Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā sattapāṭaliyo thero imā gāthāyo abhāsitthāti. Sattapāṭaliyattherassāpadānaṁ pañcamaṁ. Thomakavagga Upāhanadāyakattheraapadāna “Ahosiṁ candano nāma, sambuddhassatrajo tadā; Ekopāhano mayā dinno, bodhiṁ sampajja me tuvaṁ. Ekanavutito kappe, yaṁ pānadhiṁ dadiṁ tadā; Duggatiṁ nābhijānāmi, upāhanassidaṁ phalaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā upāhanadāyako thero imā gāthāyo abhāsitthāti. Upāhanadāyakattherassāpadānaṁ chaṭṭhaṁ. Thomakavagga Mañjaripūjakattheraapadāna “Mañjarikaṁ karitvāna, rathiyaṁ paṭipajjahaṁ; Addasaṁ samaṇānaggaṁ, bhikkhusaṅghapurakkhataṁ.