Itthaṁ sudaṁ āyasmā ambayāgudāyako thero imā gāthāyo abhāsitthāti. Ambayāgudāyakattherassāpadānaṁ chaṭṭhaṁ. Saddasaññakavagga 7 Supuṭakapūjakattheraapadāna “Divāvihārā nikkhanto, vipassī lokanāyako; Bhikkhāya vicaranto so, mama santikupāgami. Tato patīto sumano, buddhaseṭṭhassa tādino; Loṇasupuṭakaṁ datvā, kappaṁ saggamhi modahaṁ. Ekanavutito kappe, yaṁ puṭakamadāsahaṁ; Duggatiṁ nābhijānāmi, puṭakassa idaṁ phalaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā supuṭakapūjako thero imā gāthāyo abhāsitthāti. Supuṭakapūjakattherassāpadānaṁ sattamaṁ. Saddasaññakavagga 8 Mañcadāyakattheraapadāna “Vipassino bhagavato, lokajeṭṭhassa tādino; Ekaṁ mañcaṁ mayā dinnaṁ, pasannena sapāṇinā.