Satasahassito kappe, citakaṁ yaṁ apūjayiṁ; Duggatiṁ nābhijānāmi, citapūjāyidaṁ phalaṁ. Kilesā jhāpitā mayhaṁ, …pe… viharāmi anāsavo. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā gandhamuṭṭhiyo thero imā gāthāyo abhāsitthāti. Gandhamuṭṭhiyattherassāpadānaṁ chaṭṭhaṁ. Bodhivandanavagga Citakapūjakattheraapadāna “Parinibbute bhagavati, jalajuttamanāmake; Āropitamhi citake, sālapupphamapūjayiṁ. Satasahassito kappe, yaṁ pupphamabhipūjayiṁ; Duggatiṁ nābhijānāmi, citapūjāyidaṁ phalaṁ.