Tatohaṁ tiṇṇasaṁsāro, sadā jhānasukhe rato; Viharāmi tadā buddho, maṁ disvā etadabravi. ‘Yā kāci kaṅkhā idha vā huraṁ vā, Sakavediyā vā paravediyā vā; Ye jhāyino tā pajahanti sabbā, Ātāpino brahmacariyaṁ carantā’. Satasahasse kataṁ kammaṁ, phalaṁ dassesi me idha; Sumutto saravegova, kilese jhāpayiṁ mama. Tato jhānarataṁ disvā, buddho lokantagū muni; Jhāyīnaṁ bhikkhūnaṁ aggo, paññāpeti mahāmati. Kilesā jhāpitā mayhaṁ, …pe… viharāmi anāsavo. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā kaṅkhārevato thero imā gāthāyo abhāsitthāti. Kaṅkhārevatattherassāpadānaṁ dutiyaṁ. Bhaddiyavagga Sīvalittheraapadāna