Padhānaṁ padahitvāna, …pe… hessāma sammukhā imaṁ’. Tassāpi vacanaṁ sutvā, bhiyyo hāsaṁ janesahaṁ; Adhiṭṭhahiṁ vataṁ uggaṁ, dasapāramipūriyā. Suttantaṁ vinayañcāpi, navaṅgaṁ satthusāsanaṁ; Sabbaṁ pariyāpuṇitvāna, sobhayiṁ jinasāsanaṁ. Tatthappamatto viharanto, brahmaṁ bhāvetva bhāvanaṁ; Abhiññāpāramiṁ gantvā, brahmalokamagañchahaṁ. Sumaṅgalaṁ nāma nagaraṁ, uggato nāma khattiyo; Mātā pabhāvatī nāma, sujātassa mahesino.