Itthaṁ sudaṁ āyasmā giripunnāgiyo thero imā gāthāyo abhāsitthāti. Giripunnāgiyattherassāpadānaṁ sattamaṁ. Naḷamālivagga Vallikāraphaladāyakattheraapadāna “Sumano nāma sambuddho, takkarāyaṁ vasī tadā; Vallikāraphalaṁ gayha, sayambhussa adāsahaṁ. Ekatiṁse ito kappe, yaṁ phalaṁ adadiṁ tadā; Duggatiṁ nābhijānāmi, phaladānassidaṁ phalaṁ. Kilesā jhāpitā mayhaṁ, …pe… viharāmi anāsavo. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā vallikāraphaladāyako thero imā gāthāyo abhāsitthāti. Vallikāraphaladāyakattherassāpadānaṁ aṭṭhamaṁ. Naḷamālivagga Pānadhidāyakattheraapadāna “Anomadassī bhagavā, lokajeṭṭho narāsabho; Divāvihārā nikkhamma, pathamāruhi cakkhumā.