“Sāmo yadā vane āsiṁ, sakkena abhinimmito; Pavane sīhabyagghe ca, mettāya mupanāmayiṁ. Sīhabyagghehi dīpīhi, acchehi mahisehi ca; Pasadamigavarāhehi, parivāretvā vane vasiṁ. Na maṁ koci uttasati, napi bhāyāmi kassaci; Mettābalenupatthaddho, ramāmi pavane tadā”ti. Suvaṇṇasāmacariyaṁ terasamaṁ. Yudhañjayavagga Mettāpāramī 2 Ekarājacariya “Punāparaṁ yadā homi, ekarājāti vissuto; Paramaṁ sīlaṁ adhiṭṭhāya, pasāsāmi mahāmahiṁ. Dasa kusalakammapathe, vattāmi anavasesato; Catūhi saṅgahavatthūhi, saṅgaṇhāmi mahājanaṁ. Evaṁ me appamattassa, idha loke parattha ca; Dabbaseno upagantvā, acchindanto puraṁ mama. Rājūpajīve nigame, sabalaṭṭhe saraṭṭhake; Sabbaṁ hatthagataṁ katvā, kāsuyā nikhaṇī mamaṁ. Amaccamaṇḍalaṁ rajjaṁ, phītaṁ antepuraṁ mama; Acchinditvāna gahitaṁ, piyaṁ puttaṁva passahaṁ; Mettāya me samo natthi, esā me mettāpāramī”ti. Ekarājacariyaṁ cuddasamaṁ. Yudhañjayavagga Upekkhāpāramī 1 Mahālomahaṁsacariya