“Suvaṇṇavaṇṇaṁ sambuddhaṁ, Āhutīnaṁ paṭiggahaṁ; Rathiyaṁ paṭipajjantaṁ, Kapitthaṁ adadiṁ phalaṁ. Ekanavutito kappe, yaṁ phalaṁ adadiṁ tadā; Duggatiṁ nābhijānāmi, phaladānassidaṁ phalaṁ. Kilesā jhāpitā mayhaṁ, …pe… viharāmi anāsavo. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā kapitthaphaladāyako thero imā gāthāyo abhāsitthāti. Kapitthaphaladāyakattherassāpadānaṁ dutiyaṁ. Phaladāyakavagga 3 Kosambaphaliyattheraapadāna “Kakudhaṁ vilasantaṁva, devadevaṁ narāsabhaṁ; Rathiyaṁ paṭipajjantaṁ, kosambaṁ adadiṁ tadā. Ekatiṁse ito kappe, yaṁ phalaṁ adadiṁ tadā; Duggatiṁ nābhijānāmi, phaladānassidaṁ phalaṁ.