Ekanavutito kappe, yaṁ dakaṁ adadiṁ tadā; Duggatiṁ nābhijānāmi, dakadānassidaṁ phalaṁ. Kilesā jhāpitā mayhaṁ, …pe… viharāmi anāsavā. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ udakadāyikā bhikkhunī imā gāthāyo abhāsitthāti. Udakadāyikātheriyāpadānaṁ dasamaṁ. Sumedhāvaggo paṭhamo. Tassuddānaṁ Sumedhā mekhalādāyī, maṇḍapaṁ saṅkamaṁ dadā; Naḷamālī piṇḍadadā, kaṭacchu uppalappadā. Dīpadā dakadā ceva, gāthāyo gaṇitā iha; Ekagāthāsatañceva, tiṁsati ca taduttari. Ekūposathikavagga 1 Ekūposathikātherīapadāna