Koraṇḍaṁ pupphitaṁ disvā, pādapaṁ dharaṇīruhaṁ; Sakosakaṁ gahetvāna, padaseṭṭhamapūjayiṁ. Tena kammena sukatena, cetanāpaṇidhīhi ca; Jahitvā mānusaṁ dehaṁ, tāvatiṁsamagacchahaṁ. Yaṁ yaṁ yonupapajjāmi, devattaṁ atha mānusaṁ; Koraṇḍavaṇṇakoyeva, suppabhāso bhavāmahaṁ. Dvenavute ito kappe, yaṁ kammamakariṁ tadā; Duggatiṁ nābhijānāmi, padapūjāyidaṁ phalaṁ. Kilesā jhāpitā mayhaṁ, …pe… viharāmi anāsavo. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā koraṇḍapupphiyo thero imā gāthāyo abhāsitthāti. Koraṇḍapupphiyattherassāpadānaṁ pañcamaṁ. Sakiṁsammajjakavagga 6 Ghatamaṇḍadāyakattheraapadāna “Sucintitaṁ bhagavantaṁ, lokajeṭṭhaṁ narāsabhaṁ; Upaviṭṭhaṁ mahāraññaṁ, vātābādhena pīḷitaṁ.