Itthaṁ sudaṁ āyasmā bhallātadāyako thero imā gāthāyo abhāsitthāti. Bhallātadāyakattherassāpadānaṁ catutthaṁ. Vibhītakavagga 5 Uttalipupphiyattheraapadāna “Nigrodhe haritobhāse, saṁviruḷhamhi pādape; Uttalimālaṁ paggayha, bodhiyā abhiropayiṁ. Imasmiṁyeva kappamhi, yaṁ bodhimabhipūjayiṁ; Duggatiṁ nābhijānāmi, bodhipūjāyidaṁ phalaṁ. Kilesā jhāpitā mayhaṁ, …pe… viharāmi anāsavo. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā uttalipupphiyo thero imā gāthāyo abhāsitthāti. Uttalipupphiyattherassāpadānaṁ pañcamaṁ. Vibhītakavagga Ambāṭakiyattheraapadāna “Supupphitaṁ sālavanaṁ, ogayha vessabhū muni; Nisīdi giriduggesu, abhijātova kesarī.