Sagabbhaṁ taṁ viditvāna, devadattamupānayuṁ; So avoca ‘vināsetha, pāpikaṁ bhikkhuniṁ imaṁ’. Idānipi munindena, jinena anukampitā; Sukhinī ajanī mayhaṁ, mātā bhikkhunupassaye. Taṁ viditvā mahīpālo, kosalo maṁ aposayi; Kumāraparihārena, nāmenāhañca kassapo. Mahākassapamāgamma, ahaṁ kumārakassapo; Vammikasadisaṁ kāyaṁ, sutvā buddhena desitaṁ. Tato cittaṁ vimucci me, anupādāya sabbaso; Pāyāsiṁ damayitvāhaṁ, etadaggamapāpuṇiṁ. Kilesā jhāpitā mayhaṁ, …pe… viharāmi anāsavo. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā kumārakassapo thero imā gāthāyo abhāsitthāti. Kumārakassapattherassāpadānaṁ pañcamaṁ. Catuvīsatimaṁ bhāṇavāraṁ. Kaccāyanavagga Bāhiyattheraapadāna