Ubho mātāpitā mayhaṁ, bhaginī ca satta bhātaro; Amitadhanaṁ chaḍḍayitvā, pāvisimhā mahāvanan”ti. Bhisacariyaṁ catutthaṁ. Yudhañjayavagga Nekkhammapāramī 5 Soṇapaṇḍitacariya “Punāparaṁ yadā homi, nagare brahmavaḍḍhane; Tattha kulavare seṭṭhe, mahāsāle ajāyahaṁ. Tadāpi lokaṁ disvāna, Andhībhūtaṁ tamotthaṭaṁ; Cittaṁ bhavato patikuṭati, Tuttavegahataṁ viya. Disvāna vividhaṁ pāpaṁ, evaṁ cintesahaṁ tadā; ‘Kadāhaṁ gehā nikkhamma, pavisissāmi kānanaṁ’. Tadāpi maṁ nimantesuṁ, kāmabhogehi ñātayo; Tesampi chandamācikkhiṁ, ‘mā nimantetha tehi maṁ’. Yo me kaniṭṭhako bhātā, nando nāmāsi paṇḍito; Sopi maṁ anusikkhanto, pabbajjaṁ samarocayi. Ahaṁ soṇo ca nando ca, ubho mātāpitā mama; Tadāpi bhoge chaḍḍetvā, pāvisimhā mahāvanan”ti. Soṇapaṇḍitacariyaṁ pañcamaṁ. Yudhañjayavagga Adiṭṭhānapāramī 1 Temiyacariya