Yassa yaṁ cittaṁ na uppajjittha no ca tassa taṁ cittaṁ na uppannaṁ, tassa taṁ cittaṁ na uppajjissati? Yassa vā pana yaṁ cittaṁ na uppajjissati no ca tassa taṁ cittaṁ na uppannaṁ, tassa taṁ cittaṁ na uppajjittha? 8.1.1.3.12. Uppannuppajjamānavāra Uppannaṁ uppajjamānaṁ? Uppajjamānaṁ uppannaṁ? Na uppannaṁ na uppajjamānaṁ? Na uppajjamānaṁ na uppannaṁ? 8.1.1.3.13. Niruddhanirujjhamānavāra Niruddhaṁ nirujjhamānaṁ? Nirujjhamānaṁ niruddhaṁ? Na niruddhaṁ na nirujjhamānaṁ? Na nirujjhamānaṁ na niruddhaṁ? 8.1.1.3.14. Atikkantakālavāra Yassa yaṁ cittaṁ uppajjamānaṁ khaṇaṁ khaṇaṁ vītikkantaṁ atikkantakālaṁ, nirujjhamānaṁ khaṇaṁ khaṇaṁ vītikkantaṁ atikkantakālaṁ tassa taṁ cittaṁ? Yassa vā pana yaṁ cittaṁ nirujjhamānaṁ khaṇaṁ khaṇaṁ vītikkantaṁ atikkantakālaṁ, uppajjamānaṁ khaṇaṁ khaṇaṁ vītikkantaṁ atikkantakālaṁ tassa taṁ cittaṁ? Yassa yaṁ cittaṁ na uppajjamānaṁ khaṇaṁ khaṇaṁ vītikkantaṁ atikkantakālaṁ, na nirujjhamānaṁ khaṇaṁ khaṇaṁ vītikkantaṁ atikkantakālaṁ tassa taṁ cittaṁ? Yassa vā pana yaṁ cittaṁ na nirujjhamānaṁ khaṇaṁ khaṇaṁ vītikkantaṁ atikkantakālaṁ, na uppajjamānaṁ khaṇaṁ khaṇaṁ vītikkantaṁ atikkantakālaṁ tassa taṁ cittaṁ? 8.1 Uddesa 8.1.2. Suttantacittamissakavisesa