Dibbasotaṁ taṇhāsotaṁ sotaṁ, na sotindriyaṁ. Sotindriyaṁ sotañceva sotindriyañca. Sotindriyaṁ sotanti? Āmantā. Ghānaṁ ghānindriyanti? Āmantā. Ghānindriyaṁ ghānanti? Āmantā. Jivhā jivhindriyanti? Āmantā. Jivhindriyaṁ jivhāti? Āmantā. Kāyo kāyindriyanti? Kāyindriyaṁ ṭhapetvā avaseso kāyo, na kāyindriyaṁ. Kāyindriyaṁ kāyo ceva kāyindriyañca. Kāyindriyaṁ kāyoti? Āmantā. Mano manindriyanti? Āmantā. Manindriyaṁ manoti? Āmantā. Itthī itthindriyanti? No. Itthindriyaṁ itthīti? No. Puriso purisindriyanti? No. Purisindriyaṁ purisoti? No. Jīvitaṁ jīvitindriyanti? Āmantā. Jīvitindriyaṁ jīvitanti? Āmantā. Sukhaṁ sukhindriyanti? Āmantā. Sukhindriyaṁ sukhanti? Āmantā. Dukkhaṁ dukkhindriyanti? Āmantā. Dukkhindriyaṁ dukkhanti? Āmantā. Somanassaṁ somanassindriyanti? Āmantā. Somanassindriyaṁ somanassanti? Āmantā. Domanassaṁ domanassindriyanti? Āmantā. Domanassindriyaṁ domanassanti? Āmantā. Upekkhā upekkhindriyanti? Upekkhindriyaṁ ṭhapetvā avasesā upekkhā, na upekkhindriyaṁ. Upekkhindriyaṁ upekkhā ceva upekkhindriyañca. Upekkhindriyaṁ upekkhāti? Āmantā. Saddhā saddhindriyanti? Āmantā. Saddhindriyaṁ saddhāti? Āmantā. Vīriyaṁ vīriyindriyanti? Āmantā.