Domanassindriyaṁ indriyañceva domanassindriyañca. Avasesā indriyā na domanassindriyaṁ. Upekkhā indriyanti? Yā upekkhā indriyaṁ sā upekkhā ceva indriyañca. Avasesā upekkhā na indriyaṁ. Indriyā upekkhindriyanti? Upekkhindriyaṁ indriyañceva upekkhindriyañca. Avasesā indriyā na upekkhindriyaṁ. Saddhā indriyanti? Āmantā. Indriyā saddhindriyanti? Saddhindriyaṁ indriyañceva saddhindriyañca. Avasesā indriyā na saddhindriyaṁ. Vīriyaṁ indriyanti? Āmantā. Indriyā vīriyindriyanti? Vīriyindriyaṁ indriyañceva vīriyindriyañca. Avasesā indriyā na vīriyindriyaṁ. Sati indriyanti? Āmantā. Indriyā satindriyanti? Satindriyaṁ indriyañceva satindriyañca. Avasesā indriyā na satindriyaṁ. Samādhi indriyanti? Āmantā. Indriyā samādhindriyanti? Samādhindriyaṁ indriyañceva samādhindriyañca. Avasesā indriyā na samādhindriyaṁ. Paññā indriyanti? Āmantā. Indriyā paññindriyanti? Paññindriyaṁ indriyañceva paññindriyañca. Avasesā indriyā na paññindriyaṁ. Anaññātaññassāmīti indriyanti? Āmantā. Indriyā anaññātaññassāmītindriyanti? Anaññātaññassāmītindriyaṁ indriyañceva anaññātaññassāmītindriyañca. Avasesā indriyā na anaññātaññassāmītindriyaṁ.