Yaṁ vā pana cittaṁ nirujjhamānaṁ khaṇaṁ khaṇaṁ vītikkantaṁ atikkantakālaṁ, uppajjamānaṁ khaṇaṁ khaṇaṁ vītikkantaṁ atikkantakālaṁ taṁ cittaṁ? Yaṁ cittaṁ na uppajjamānaṁ khaṇaṁ khaṇaṁ vītikkantaṁ atikkantakālaṁ, na nirujjhamānaṁ khaṇaṁ khaṇaṁ vītikkantaṁ atikkantakālaṁ taṁ cittaṁ? Yaṁ vā pana cittaṁ na nirujjhamānaṁ khaṇaṁ khaṇaṁ vītikkantaṁ atikkantakālaṁ, na uppajjamānaṁ khaṇaṁ khaṇaṁ vītikkantaṁ atikkantakālaṁ taṁ cittaṁ? 8.1.1.3. Puggaladhammavāra 8.1.1.3.1. Uppādanirodhakālasambhedavāra Yassa yaṁ cittaṁ uppajjati na nirujjhati tassa taṁ cittaṁ nirujjhissati na uppajjissati? Yassa vā pana yaṁ cittaṁ nirujjhissati na uppajjissati tassa taṁ cittaṁ uppajjati na nirujjhati? Yassa yaṁ cittaṁ na uppajjati nirujjhati tassa taṁ cittaṁ na nirujjhissati uppajjissati? Yassa vā pana yaṁ cittaṁ na nirujjhissati uppajjissati tassa taṁ cittaṁ na uppajjati nirujjhati? 8.1.1.3.2. Uppāduppannavāra Yassa yaṁ cittaṁ uppajjati tassa taṁ cittaṁ uppannaṁ? Yassa vā pana yaṁ cittaṁ uppannaṁ tassa taṁ cittaṁ uppajjati? Yassa yaṁ cittaṁ na uppajjati tassa taṁ cittaṁ na uppannaṁ? Yassa vā pana yaṁ cittaṁ na uppannaṁ tassa taṁ cittaṁ na uppajjati? 8.1.1.3.3. Nirodhuppannavāra Yassa yaṁ cittaṁ nirujjhati tassa taṁ cittaṁ uppannaṁ? Yassa vā pana yaṁ cittaṁ uppannaṁ tassa taṁ cittaṁ nirujjhati? Yassa yaṁ cittaṁ na nirujjhati tassa taṁ cittaṁ na uppannaṁ? Yassa vā pana yaṁ cittaṁ na uppannaṁ tassa taṁ cittaṁ na nirujjhati? 8.1.1.3.4. Uppādavāra