Pacchimabhavikānaṁ itthīnaṁ upapajjantīnaṁ yā ca itthiyo somanassena upapajjitvā parinibbāyissanti tāsaṁ upapajjantīnaṁ tāsaṁ tattha upekkhindriyaṁ na uppajjissati, no ca tāsaṁ tattha itthindriyaṁ na uppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ asaññasattānaṁ yā ca itthiyo somanassena upapajjitvā parinibbāyissanti tāsaṁ cavantīnaṁ tesaṁ tattha upekkhindriyañca na uppajjissati itthindriyañca na uppajjati. Yassa yattha itthindriyaṁ na uppajjati tassa tattha saddhindriyaṁ …pe… paññindriyaṁ …pe… manindriyaṁ na uppajjissatīti?