Yaṁ cittaṁ uppajjati taṁ cittaṁ nirujjhittha? Yaṁ vā pana cittaṁ nirujjhittha taṁ cittaṁ uppajjati? Yaṁ cittaṁ na uppajjati taṁ cittaṁ na nirujjhittha? Yaṁ vā pana cittaṁ na nirujjhittha taṁ cittaṁ na uppajjati? Yaṁ cittaṁ uppajjati taṁ cittaṁ nirujjhissati? Yaṁ vā pana cittaṁ nirujjhissati taṁ cittaṁ uppajjati? Yaṁ cittaṁ na uppajjati taṁ cittaṁ na nirujjhissati? Yaṁ vā pana cittaṁ na nirujjhissati taṁ cittaṁ na uppajjati? Yaṁ cittaṁ uppajjittha taṁ cittaṁ nirujjhissati? Yaṁ vā pana cittaṁ nirujjhissati taṁ cittaṁ uppajjittha? Yaṁ cittaṁ na uppajjittha taṁ cittaṁ na nirujjhissati? Yaṁ vā pana cittaṁ na nirujjhissati taṁ cittaṁ na uppajjittha? 8.1.1.2.7. Uppajjamānananirodhavāra Yaṁ cittaṁ uppajjati taṁ cittaṁ na nirujjhati? Yaṁ vā pana cittaṁ na nirujjhati taṁ cittaṁ uppajjati? Yaṁ cittaṁ na uppajjati taṁ cittaṁ nirujjhati? Yaṁ vā pana cittaṁ nirujjhati taṁ cittaṁ na uppajjati? 8.1.1.2.8. Uppajjamānuppannavāra Yaṁ cittaṁ uppajjamānaṁ taṁ cittaṁ uppannaṁ? Yaṁ vā pana cittaṁ uppannaṁ taṁ cittaṁ uppajjamānaṁ? Yaṁ cittaṁ na uppajjamānaṁ taṁ cittaṁ na uppannaṁ? Yaṁ vā pana cittaṁ na uppannaṁ taṁ cittaṁ na uppajjamānaṁ? 8.1.1.2.9. Nirujjhamānuppannavāra Yaṁ cittaṁ nirujjhamānaṁ taṁ cittaṁ uppannaṁ? Yaṁ vā pana cittaṁ uppannaṁ taṁ cittaṁ nirujjhamānaṁ? Yaṁ cittaṁ na nirujjhamānaṁ taṁ cittaṁ na uppannaṁ? Yaṁ vā pana cittaṁ na uppannaṁ taṁ cittaṁ na nirujjhamānaṁ? 8.1.1.2.10. Uppannuppādavāra