Yaṁ cittaṁ uppannaṁ taṁ cittaṁ uppajjittha? Yaṁ vā pana cittaṁ uppajjittha taṁ cittaṁ uppannaṁ? Yaṁ cittaṁ na uppannaṁ taṁ cittaṁ na uppajjittha? Yaṁ vā pana cittaṁ na uppajjittha taṁ cittaṁ na uppannaṁ? Yaṁ cittaṁ uppannaṁ taṁ cittaṁ uppajjissati? Yaṁ vā pana cittaṁ uppajjissati taṁ cittaṁ uppannaṁ? Yaṁ cittaṁ na uppannaṁ taṁ cittaṁ na uppajjissati? Yaṁ vā pana cittaṁ na uppajjissati taṁ cittaṁ na uppannaṁ? 8.1.1.2.11. Atītānāgatavāra Yaṁ cittaṁ uppajjittha no ca taṁ cittaṁ uppannaṁ, taṁ cittaṁ uppajjissati? Yaṁ vā pana cittaṁ uppajjissati no ca taṁ cittaṁ uppannaṁ, taṁ cittaṁ uppajjittha? Yaṁ cittaṁ na uppajjittha no ca taṁ cittaṁ na uppannaṁ, taṁ cittaṁ na uppajjissati? Yaṁ vā pana cittaṁ na uppajjissati no ca taṁ cittaṁ na uppannaṁ, taṁ cittaṁ na uppajjittha? 8.1.1.2.12. Uppannuppajjamānavāra Uppannaṁ uppajjamānaṁ? Uppajjamānaṁ uppannaṁ? Na uppannaṁ na uppajjamānaṁ? Na uppajjamānaṁ na uppannaṁ? 8.1.1.2.13. Niruddhanirujjhamānavāra Niruddhaṁ nirujjhamānaṁ? Nirujjhamānaṁ niruddhaṁ? Na niruddhaṁ na nirujjhamānaṁ? Na nirujjhamānaṁ na niruddhaṁ? 8.1.1.2.14. Atikkantakālavāra Yaṁ cittaṁ uppajjamānaṁ khaṇaṁ khaṇaṁ vītikkantaṁ atikkantakālaṁ, nirujjhamānaṁ khaṇaṁ khaṇaṁ vītikkantaṁ atikkantakālaṁ taṁ cittaṁ?