Yassa cittaṁ uppajjamānaṁ khaṇaṁ khaṇaṁ vītikkantaṁ atikkantakālaṁ, nirujjhamānaṁ khaṇaṁ khaṇaṁ vītikkantaṁ atikkantakālaṁ tassa cittaṁ? Yassa vā pana cittaṁ nirujjhamānaṁ khaṇaṁ khaṇaṁ vītikkantaṁ atikkantakālaṁ, uppajjamānaṁ khaṇaṁ khaṇaṁ vītikkantaṁ atikkantakālaṁ tassa cittaṁ? Yassa cittaṁ na uppajjamānaṁ khaṇaṁ khaṇaṁ vītikkantaṁ atikkantakālaṁ, na nirujjhamānaṁ khaṇaṁ khaṇaṁ vītikkantaṁ atikkantakālaṁ tassa cittaṁ? Yassa vā pana cittaṁ na nirujjhamānaṁ khaṇaṁ khaṇaṁ vītikkantaṁ atikkantakālaṁ, na uppajjamānaṁ khaṇaṁ khaṇaṁ vītikkantaṁ atikkantakālaṁ tassa cittaṁ? 8.1.1.2. Dhammavāra 8.1.1.2.1. Uppādanirodhakālasambhedavāra Yaṁ cittaṁ uppajjati na nirujjhati taṁ cittaṁ nirujjhissati na uppajjissati? Yaṁ vā pana cittaṁ nirujjhissati na uppajjissati taṁ cittaṁ uppajjati na nirujjhati? Yaṁ cittaṁ na uppajjati nirujjhati taṁ cittaṁ na nirujjhissati uppajjissati? Yaṁ vā pana cittaṁ na nirujjhissati uppajjissati taṁ cittaṁ na uppajjati nirujjhati? 8.1.1.2.2. Uppāduppannavāra Yaṁ cittaṁ uppajjati taṁ cittaṁ uppannaṁ? Yaṁ vā pana cittaṁ uppannaṁ taṁ cittaṁ uppajjati? Yaṁ cittaṁ na uppajjati taṁ cittaṁ na uppannaṁ? Yaṁ vā pana cittaṁ na uppannaṁ taṁ cittaṁ na uppajjati? 8.1.1.2.3. Nirodhuppannavāra Yaṁ cittaṁ nirujjhati taṁ cittaṁ uppannaṁ? Yaṁ vā pana cittaṁ uppannaṁ taṁ cittaṁ nirujjhati?