Anaññātaññassāmītiṁ ṭhapetvā avasesā indriyā na anaññātaññassāmīti, indriyā. Anaññātaññassāmītiñca indriye ca ṭhapetvā avasesā na ceva anaññātaññassāmīti na ca indriyā. Na indriyā na aññātāvindriyanti? Āmantā. Na aññaṁ na indriyanti? Aññaṁ ṭhapetvā avasesā indriyā na aññaṁ, indriyā. Aññañca indriye ca ṭhapetvā avasesā na ceva aññaṁ na ca indriyā. Na indriyā na cakkhundriyanti? Āmantā …pe…. Na aññaṁ na indriyanti? Aññaṁ ṭhapetvā avasesā indriyā na aññaṁ, indriyā. Aññañca indriye ca ṭhapetvā avasesā na ceva aññaṁ na ca indriyā. Na indriyā na aññātāvindriyanti? Āmantā. Na aññātāvī na indriyanti? Aññātāviṁ ṭhapetvā avasesā indriyā na aññātāvī, indriyā. Aññātāviñca indriye ca ṭhapetvā avasesā na ceva aññātāvī na ca indriyā. Na indriyā na cakkhundriyanti? Āmantā …pe…. Na aññātāvī na indriyanti? Aññātāviṁ ṭhapetvā avasesā indriyā na aññātāvī, indriyā. Aññātāviñca indriye ca ṭhapetvā avasesā na ceva aññātāvī na ca indriyā. Na indriyā na aññindriyanti? Āmantā. Paṇṇattiniddesavāro. 10.2 Pavattivāra 10.2.1. Uppādavāra 10.2.1.1 Paccuppannavāra 10.2.1.1.1. Anulomapuggala