Kāyindriyaṁ ṭhapetvā avaseso na kāyindriyaṁ, kāyo. Kāyañca kāyindriyañca ṭhapetvā avasesā na ceva kāyo na ca kāyindriyaṁ. Na mano na manindriyanti? Āmantā. Na manindriyaṁ na manoti? Āmantā. Na itthī na itthindriyanti? Itthindriyaṁ na itthī, itthindriyaṁ. Itthiñca itthindriyañca ṭhapetvā avasesā na ceva itthī na ca itthindriyaṁ. Na itthindriyaṁ na itthīti? Itthī na itthindriyaṁ, itthī. Itthiñca itthindriyañca ṭhapetvā avasesā na ceva itthī na ca itthindriyaṁ. Na puriso na purisindriyanti? Purisindriyaṁ na puriso, purisindriyaṁ. Purisañca purisindriyañca ṭhapetvā avasesā na ceva puriso na ca purisindriyaṁ. Na purisindriyaṁ na purisoti? Puriso na purisindriyaṁ, puriso. Purisañca purisindriyañca ṭhapetvā avasesā na ceva puriso na ca purisindriyaṁ. Na jīvitaṁ na jīvitindriyanti? Āmantā. Na jīvitindriyaṁ na jīvitanti? Āmantā. Na sukhaṁ na sukhindriyanti? Āmantā. Na sukhindriyaṁ na sukhanti? Āmantā. Na dukkhaṁ na dukkhindriyanti? Āmantā. Na dukkhindriyaṁ na dukkhanti? Āmantā. Na somanassaṁ na somanassindriyanti? Āmantā. Na somanassindriyaṁ na somanassanti? Āmantā. Na domanassaṁ na domanassindriyanti? Āmantā. Na domanassindriyaṁ na domanassanti? Āmantā. Na upekkhā na upekkhindriyanti? Āmantā. Na upekkhindriyaṁ na upekkhāti?