Indriyā ghānindriyanti? Ghānindriyaṁ indriyañceva ghānindriyañca. Avasesā indriyā na ghānindriyaṁ. Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā jivhindriyanti? Jivhindriyaṁ indriyañceva jivhindriyañca. Avasesā indriyā na jivhindriyaṁ. Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā kāyindriyanti? Kāyindriyaṁ indriyañceva kāyindriyañca. Avasesā indriyā na kāyindriyaṁ. Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā manindriyanti? Manindriyaṁ indriyañceva manindriyañca. Avasesā indriyā na manindriyaṁ. Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā itthindriyanti? Itthindriyaṁ indriyañceva itthindriyañca. Avasesā indriyā na itthindriyaṁ. Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā purisindriyanti? Purisindriyaṁ indriyañceva purisindriyañca. Avasesā indriyā na purisindriyaṁ. Cakkhu cakkhundriyanti?