Upekkhindriyaṁ ṭhapetvā avasesā na upekkhindriyaṁ, upekkhā. Upekkhañca upekkhindriyañca ṭhapetvā avasesā na ceva upekkhā na ca upekkhindriyaṁ. Na saddhā na saddhindriyanti? Āmantā. Na saddhindriyaṁ na saddhāti? Āmantā. Na vīriyaṁ na vīriyindriyanti? Āmantā. Na vīriyindriyaṁ na vīriyanti? Āmantā. Na sati na satindriyanti? Āmantā. Na satindriyaṁ na satīti? Āmantā. Na samādhi na samādhindriyanti? Āmantā. Na samādhindriyaṁ na samādhīti? Āmantā. Na paññā na paññindriyanti? Āmantā. Na paññindriyaṁ na paññāti? Āmantā. Na anaññātaññassāmīti na anaññātaññassāmītindriyanti? Āmantā. Na anaññātaññassāmītindriyaṁ na anaññātaññassāmīti? Āmantā. Na aññaṁ na aññindriyanti? Āmantā. Na aññindriyaṁ na aññanti? Āmantā. Na aññātāvī na aññātāvindriyanti? Āmantā. Na aññātāvindriyaṁ na aññātāvīti? Āmantā. 10.1.2.2. Padasodhanamūlacakkavāra 10.1.2.2.1. Anuloma Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā sotindriyanti? Sotindriyaṁ indriyañceva sotindriyañca. Avasesā indriyā na sotindriyaṁ. Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca.