Kāyindriyaṁ indriyañceva kāyindriyañca. Avasesā indriyā na kāyindriyaṁ. Mano indriyanti? Āmantā. Indriyā manindriyanti? Manindriyaṁ indriyañceva manindriyañca. Avasesā indriyā na manindriyaṁ. Itthī indriyanti? No. Indriyā itthindriyanti? Itthindriyaṁ indriyañceva itthindriyañca. Avasesā indriyā na itthindriyaṁ. Puriso indriyanti? No. Indriyā purisindriyanti? Purisindriyaṁ indriyañceva purisindriyañca. Avasesā indriyā na purisindriyaṁ. Jīvitaṁ indriyanti? Āmantā. Indriyā jīvitindriyanti? Jīvitindriyaṁ indriyañceva jīvitindriyañca. Avasesā indriyā na jīvitindriyaṁ. Sukhaṁ indriyanti? Āmantā. Indriyā sukhindriyanti? Sukhindriyaṁ indriyañceva sukhindriyañca. Avasesā indriyā na sukhindriyaṁ. Dukkhaṁ indriyanti? Āmantā. Indriyā dukkhindriyanti? Dukkhindriyaṁ indriyañceva dukkhindriyañca. Avasesā indriyā na dukkhindriyaṁ. Somanassaṁ indriyanti? Āmantā. Indriyā somanassindriyanti? Somanassindriyaṁ indriyañceva somanassindriyañca. Avasesā indriyā na somanassindriyaṁ. Domanassaṁ indriyanti? Āmantā. Indriyā domanassindriyanti?