Cakkhu indriyanti? Āmantā. Indriyā anaññātaññassāmītindriyanti? Anaññātaññassāmītindriyaṁ indriyañceva anaññātaññassāmītindriyañca. Avasesā indriyā na anaññātaññassāmītindriyaṁ. Cakkhu indriyanti? Āmantā. Indriyā aññindriyanti? Aññindriyaṁ indriyañceva aññindriyañca. Avasesā indriyā na aññindriyaṁ. Cakkhu indriyanti? Āmantā. Indriyā aññātāvindriyanti? Aññātāvindriyaṁ indriyañceva aññātāvindriyañca. Avasesā indriyā na aññātāvindriyaṁ. Sotaṁ indriyanti? Yaṁ sotaṁ indriyaṁ taṁ sotañceva indriyañca. Avasesaṁ sotaṁ na indriyaṁ. Indriyā cakkhundriyanti? Cakkhundriyaṁ indriyañceva cakkhundriyañca. Avasesā indriyā na cakkhundriyaṁ …pe…. Sotaṁ indriyanti? Yaṁ sotaṁ indriyaṁ taṁ sotañceva indriyañca. Avasesaṁ sotaṁ na indriyaṁ. Indriyā aññātāvindriyanti? Aññātāvindriyaṁ indriyañceva aññātāvindriyañca. Avasesā indriyā na aññātāvindriyaṁ. Ghānaṁ indriyanti? Āmantā. Indriyā cakkhundriyanti? Cakkhundriyaṁ indriyañceva cakkhundriyañca. Avasesā indriyā na cakkhundriyaṁ …pe…. Ghānaṁ indriyanti? Āmantā. Indriyā aññātāvindriyanti?