Yassa sarāgaṁ cittaṁ uppajjati …pe… yassa vītarāgaṁ cittaṁ uppajjati … yassa sadosaṁ cittaṁ uppajjati … yassa vītadosaṁ cittaṁ uppajjati … yassa samohaṁ cittaṁ uppajjati … yassa vītamohaṁ cittaṁ uppajjati … yassa saṅkhittaṁ cittaṁ uppajjati … yassa vikkhittaṁ cittaṁ uppajjati … yassa mahaggataṁ cittaṁ uppajjati … yassa amahaggataṁ cittaṁ uppajjati … yassa sauttaraṁ cittaṁ uppajjati … yassa anuttaraṁ cittaṁ uppajjati … yassa samāhitaṁ cittaṁ uppajjati … yassa asamāhitaṁ cittaṁ uppajjati … yassa vimuttaṁ cittaṁ uppajjati … yassa avimuttaṁ cittaṁ uppajjati … ? 8.1 Uddesa 8.1.3. Abhidhammacittamissakavisesa Yassa kusalaṁ cittaṁ uppajjati …pe… yassa akusalaṁ cittaṁ uppajjati … yassa abyākataṁ cittaṁ uppajjati … yassa sukhāya vedanāya sampayuttaṁ cittaṁ uppajjati … ? (Etena upāyena yāva saraṇaaraṇā uddharitabbā.) Yassa araṇaṁ cittaṁ uppajjati na nirujjhati tassa araṇaṁ cittaṁ nirujjhissati na uppajjissati? Yassa vā pana araṇaṁ cittaṁ nirujjhissati na uppajjissati tassa araṇaṁ cittaṁ uppajjati na nirujjhati? Uddesavāro. 8.2 Niddesa 8.2.1. Suddhacittasāmañña 8.2.1.1. Puggalavāra 8.2.1.1.1. Uppādanirodhakālasambhedavāra Yassa cittaṁ uppajjati na nirujjhati tassa cittaṁ nirujjhissati na uppajjissatīti? Pacchimacittassa uppādakkhaṇe tesaṁ cittaṁ uppajjati na nirujjhati, nirujjhissati na uppajjissati. Itaresaṁ cittassa uppādakkhaṇe tesaṁ cittaṁ uppajjati na nirujjhati, nirujjhissati ceva uppajjissati ca.