Yassa vā pana jīvitindriyaṁ na uppajjissati tassa itthindriyaṁ na uppajjatīti? Pacchimabhavikānaṁ itthīnaṁ upapajjantīnaṁ tāsaṁ jīvitindriyaṁ na uppajjissati, no ca tāsaṁ itthindriyaṁ na uppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ tesaṁ jīvitindriyañca na uppajjissati itthindriyañca na uppajjati. Yassa itthindriyaṁ na uppajjati tassa somanassindriyaṁ na uppajjissatīti? Sabbesaṁ cavantānaṁ na itthīnaṁ upapajjantānaṁ tesaṁ itthindriyaṁ na uppajjati, no ca tesaṁ somanassindriyaṁ na uppajjissati. Kāmāvacare parinibbantānaṁ rūpāvacare arūpāvacare pacchimabhavikānaṁ ye ca upekkhāya upapajjitvā parinibbāyissanti tesaṁ cavantānaṁ tesaṁ itthindriyañca na uppajjati somanassindriyañca na uppajjissati. Yassa vā pana somanassindriyaṁ na uppajjissati tassa itthindriyaṁ na uppajjatīti? Pacchimabhavikānaṁ itthīnaṁ upapajjantīnaṁ yā ca itthiyo upekkhāya upapajjitvā parinibbāyissanti tāsaṁ upapajjantīnaṁ tāsaṁ somanassindriyaṁ na uppajjissati, no ca tāsaṁ itthindriyaṁ na uppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ ye ca upekkhāya upapajjitvā parinibbāyissanti tesaṁ cavantānaṁ tesaṁ somanassindriyañca na uppajjissati itthindriyañca na uppajjati. Yassa itthindriyaṁ na uppajjati tassa upekkhindriyaṁ na uppajjissatīti?