Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā anaññātaññassāmītindriyanti? Anaññātaññassāmītindriyaṁ indriyañceva anaññātaññassāmītindriyañca. Avasesā indriyā na anaññātaññassāmītindriyaṁ. Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā aññindriyanti? Aññindriyaṁ indriyañceva aññindriyañca. Avasesā indriyā na aññindriyaṁ. Cakkhu cakkhundriyanti? Dibbacakkhu paññācakkhu cakkhu, na cakkhundriyaṁ. Cakkhundriyaṁ cakkhu ceva cakkhundriyañca. Indriyā aññātāvindriyanti? Aññātāvindriyaṁ indriyañceva aññātāvindriyañca. Avasesā indriyā na aññātāvindriyaṁ. Sotaṁ sotindriyanti? Dibbasotaṁ taṇhāsotaṁ sotaṁ, na sotindriyaṁ. Sotindriyaṁ sotañceva sotindriyañca. Indriyā cakkhundriyanti? Cakkhundriyaṁ indriyañceva cakkhundriyañca. Avasesā indriyā na cakkhundriyaṁ …pe…. Sotaṁ sotindriyanti? Dibbasotaṁ taṇhāsotaṁ sotaṁ, na sotindriyaṁ. Sotindriyaṁ sotañceva sotindriyañca. Indriyā aññātāvindriyanti? Aññātāvindriyaṁ indriyañceva aññātāvindriyañca. Avasesā indriyā na aññātāvindriyaṁ. Ghānaṁ ghānindriyanti? Āmantā. Indriyā cakkhundriyanti?