10.1 Paṇṇattivāra 10.1.1. Paṇṇattivārauddesa Namo tassa Bhagavato Arahato Sammāsambuddhassa. Bāvīsatindriyāni—cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, manindriyaṁ, itthindriyaṁ, purisindriyaṁ, jīvitindriyaṁ, sukhindriyaṁ, dukkhindriyaṁ, somanassindriyaṁ, domanassindriyaṁ, upekkhindriyaṁ, saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, anaññātaññassāmītindriyaṁ, aññindriyaṁ, aññātāvindriyaṁ. 10.1.1.1. Padasodhanavāra 10.1.1.1.1. Anuloma Cakkhu cakkhundriyaṁ? Cakkhundriyaṁ cakkhu? Sotaṁ sotindriyaṁ? Sotindriyaṁ sotaṁ? Ghānaṁ ghānindriyaṁ? Ghānindriyaṁ ghānaṁ? Jivhā jivhindriyaṁ? Jivhindriyaṁ jivhā? Kāyo kāyindriyaṁ? Kāyindriyaṁ kāyo? Mano manindriyaṁ? Manindriyaṁ mano? Itthī itthindriyaṁ? Itthindriyaṁ itthī? Puriso purisindriyaṁ? Purisindriyaṁ puriso? Jīvitaṁ jīvitindriyaṁ? Jīvitindriyaṁ jīvitaṁ? Sukhaṁ sukhindriyaṁ? Sukhindriyaṁ sukhaṁ? Dukkhaṁ dukkhindriyaṁ? Dukkhindriyaṁ dukkhaṁ? Somanassaṁ somanassindriyaṁ? Somanassindriyaṁ somanassaṁ? Domanassaṁ domanassindriyaṁ? Domanassindriyaṁ domanassaṁ? Upekkhā upekkhindriyaṁ? Upekkhindriyaṁ upekkhā? Saddhā saddhindriyaṁ? Saddhindriyaṁ saddhā? Vīriyaṁ vīriyindriyaṁ? Vīriyindriyaṁ vīriyaṁ? Sati satindriyaṁ? Satindriyaṁ sati?